灣生回家@2016.07.17

灣生是指在台灣出世的日本人, 灣生回家就是灣生們或後代回到台灣故鄉的紀錄片。

每個灣生都有自己的故事, 台灣對他們來說是天堂, 即使回到日本都念念不忘。

朋友問: 「爲什麽說台灣對他們來說是天堂？難道他們不喜歡日本嗎？」灣生在台灣出世, 過台灣生活, 後來先被迫遷回日本。灣生如同台灣人一樣, 所以台灣對他們來說自然甚麼都好, 是天堂一點也不過份。相反, 被迫回到日本後, 又要重新學日文, 又要習慣日本文化, 甚至會被受歧視, 無論如何也需要長時適應。

電影後, 還有田中實加小姐的分享會, 灣生後代的她很有台灣的氣息, 說話都特別扣人心弦。可是, 對在香港土生土長的我沒有太大共鳴, 是感受到那種尋根的決心, 或許人生總會有遺憾等。然後, 再想深一層, 這些道理不止套用在灣生們身上, 有愛, 愛身邊的人, 愛自己, 有些事情總會做得到的。

貓咪去哪兒@2016.07.03

因為"風間俊介"呢個名, 我決定睇了。

有留意嵐或者相葉雅紀既人或者會比較清楚, 相葉和風間係好朋友, 難得風間有主演電影係香港上映, 所以點都要支持下。(利申: 我絕對係相葉大飯)

真人真事改編而成既電影, 係預期中咁溫情、搞笑、熱血。相比描述男主角嗰種不屈不撓既精神, 我覺得點樣放低人"自私"既想法更重要。 

我唔係貓奴, 完全可以抵禦到貓仔打黎打去、 好可愛既鏡頭, 唔會忍唔住大叫: 「好得意呀!!!」。如「狗狗沒有家」呢部電影所帶出既訊息一樣, 如果真心鐘意貓的話, 應該為佢地設想, 例如幫佢地做結紮手術, 而唔係從人既角度去思考。其實結紮唔止會控制貓既數目, 對貓仔身體都會有好處, 男主角亦為此上咗一堂寶貴而又沉重既課。雖然身邊貓奴朋友會去餵流浪貓, 但咁做係咪一件好事嗎? 我懷疑... ...

狗狗沒有家@2016.07.10

因為"311"呢幾個數字就決定去睇了。

意外地原來係一部紀錄片, 初段的確有點兒悶... ...

由於故事性比較少, 所以訊息都係直截了當, "停一停, 諗一諗" 養寵物之前, 要考慮清楚, 唔係短時間既決定, 係要諗到自己未來既十幾年係咪有能力有心機, 一直養落去呢?

人就係自私, 買寵物多數都係一時興起, 過咗氣就會掉咗佢。 只要大家改變養寵物既習慣, 想養寵物時, 唔去幫襯寵物店而係去領養的話, 電影中既片段絕對可以避免, 唔止日本係咁, 香港都一樣。

片中最深刻既就係有個自願團體, 接收咗附近所有冇人要既猫同狗, 部份既狗之前係要黎配種, 狗女生到子宮爛啦, 冇晒表情, 甚至有第四代近親配種的殘障狗仔。所謂近親配種就係例如狗爸同自己個女交配, 第四代就可能係狗爸同個孫孫女交配。嘩... ...知道個下感覺好shock, 原來人為咗做生意, 想配一啲純種既貴價狗仔拎去賣, 真係乜都做得出。

至於片中最珍貴的片段, 我覺得係當同一個自願團體, 係311地震幾日後, 立即去咗輻射20公里範圍內, 盡可能捉晒所有留係災區既貓狗。雖然有好多公公婆婆都想帶埋自己既狗仔去臨時房屋, 但條例關係, 佢地都只好被迫放棄。

結尾雖然報告咗一啲好正面既數據紀錄, 但係唔持續努力落去的話, 好快就會彈回頭, 加上自願團體能力有限, 所以女主角要將呢種訊息, 靠唔同途徑宣揚開去。