指宿 - 長崎鼻+龍宮神社

2016年9月21日 (晴)


行程: 鹿兒島中央站>指宿站> 龍宮神社+長崎鼻>池田湖>指宿站>鹿兒島中央站


 本身想好好利用張のったりおりたり，由「鹿兒島中央」站經「特攻觀音入口」站，再去「指宿」站轉車。不過一來車太少， 班次完全接不上，二來要花2.5小時先到達目的地。結果都係決定花多1,000日元，由「鹿兒島中央」站直接JR坐到「指宿」站， 時間大大縮短為1小時， 省回來的時間來慢慢賞景更好了。

鏡頭一轉，終於來到龍宮神社。

之前睇周奕瑋主持的3日2夜已經覺得呢度幾有趣，因為祈福許願的話，係將自己個願望寫落一個貝殼度。

傳說呢度係浦島太郎去龍宮前的一個山岬, 所以由神社向燈塔方向行時, 都見到一個浦島太郎石像。同樣, 可以寫自己的願望去貝殼度，而祈福方法有少少特別，男性的話，就要向住石像向左行2個圈，女性就向右行2個圈，一路行一路默念願望，放低貝殼後就可以摸下龜的唔同部位祈福，例如：想要回復年輕就摸面；想要健康、考試合格同良好姻緣就可以摸個頭部；想生仔就摸個背部。

「長崎鼻」係薩摩半島的最南端，所以好天時係可以望到「三島村」，甚至「屋久島」的山影，而左邊則清楚見到「開聞岳」。





雖然景點唔多，但環境一流! 聽聞半小時乜都影晒，誰不知左影影右影影，45分鐘都唔多夠，仲要未落去石礁慢慢睇加影相，又要急急跑回巴士站去下一站了 (汗)。