指宿 - 池田湖

2016年9月21日 (晴)

行程: 鹿兒島中央站>指宿站> 龍宮神社+長崎鼻>池田湖>指宿站>鹿兒島中央站

去完 「長崎鼻+龍宮神社」 , 接住就立即出發去「池田湖」了，途經「唐船峡」站，係最出名食流水麵的地方，本來計劃睇完「池田湖」就回頭嘆返個lunch，點知巴士經過時，我睇到門口楝住個牌寫「本日終了」。我以為自己睇錯，點知一上官網睇時... ...

圖: 因為台風的影響，停電了，修復後會再開。

竟然食唔到!!! 不過都算好好彩，預先經過見到冇得食，唔駛回頭落車時先發現。(自我安慰中)

傳說在「池田湖」有水怪出現，但現實可能只係條大鰻魚？

12月從「池田湖」呢邊，望向「開聞岳」的話，沿路都會係油菜花。可惜現時乜都冇，加點想像力，應該會好靚。

當年臨近二次世界大戰終戰前，好多神風特攻隊就係要飛過呢座「開聞岳」山，再去沖繩作最後一場戰爭。有關神風特攻隊的事，有機會會再寫詳細一點。

好不容易，搵到間餐廳食lunch，唔知第幾日冇食lunch了。見到流水麵的盤，以為有得食，誰不知已經冇用，真係有得睇冇得食。唯有簡單叫了個蕎麥麵食算了。

雖然飽飽地，但見到有蠶豆雪糕，第二個胃就出動了。甜甜地，有少少似蕃薯，好多豆渣，唔係特別好味，不過，咁特別點都要一試。

由於時間緊迫，所以要回「指宿」站坐JR了。然後又回到「唐船峡」站, 見到流水麵店疑似開返!!!! 又再上官網睇

圖: 修復完畢, 由13:00時開始繼續營業, 不過暫時沒有流水都提供, 改為素麵SET。

噢, 我路過「唐船峡」站時, 係13:07分!! 夾都冇咁啱, 趕車關係, 此終都係食唔到, 好彩重開都冇得食流水麵, 總算冇咁蝕。(再自我安慰中)

離開「指宿」站前, 浸下腳先再坐JR返「鹿兒島中央」站。